© 2016-2019 by Nicole Turtschi

  • Wix Facebook page
  • Instagram
  • LinkedIn Social Icon
  • Google Places Social Icon

BLOG + NEWS

Weshalb du nicht wohlstehend bist - meine ehrlichen Worte!

June 19, 2019

HÜT SEHR WICHTIG FÜR AUI WO FINANZIELL GERN BESSR DRANN WÄRE! 💰💰💰 BITTE TEILÄ


dä Text hani hüt morge (wie jede Morge) a aui Lüt wo i mire Gruppe '30 Sekunde pro Tag für mi' si, verschickt. Es git immer es Bild, e Übersetzig uf Dütsch und e Bärndütschi Interpretation (meh z'underst). Dä Text hüt isch so wichtig, dasi ne gern mit öich würdi teilä. Är söu viune, viune häufä, wohlstehender und bewusster z'sy!

 

Übersetzig zum Bild: 
"Stehlen generiert Armutskarma" - MCKS

 

Mini Interpretaion:


1. Was isch Armuetskarma?
Das bedütet, dass wenn mir das hei, dass mer Armuet azieh (nid nur ufm finanzielle Level). Aus wo mir mache, chunnt vili, vili mau zu üs zrügg. Luege mer mau öb mir öppis gstohle hei, dass mir ev. nid so viu Wohlstand hei wiemer üs wünschte siehe unten

 

2. Was isch stählä?
Mir hei ja scho glehrt, dases verschideni Äbenine vor Wahrheit git ide früechere Interpretatione. Das isch o der Grund, wieso ig gärn die Frag [mit däm wüsse wo ig im Moment cha biete] wett aluege mit öich, dass dir aaaaauuuiii richer chöit wärde 💷💷💷✨😍
Auso:

 

Physisches Level: es isch gstohle, wenn mir üs öppis aeignä, wo üs nid isch. Wenn mir öppis uslehnä u vergässe zrüggdsgäh, wenn mir Öppis vo öpperem bruche ohni zfrage, wenn mir ane Ort göi, wo es Schild mit 'privat' oder 'Zutritt verboten' isch. Wenn mir vo üsem Arbeitgäber Sache füre Persönlich gebruch nähme (!!!!) (z.B. chuguschriber, wärbegschänk, öppis privats dert drucke, allg. Büromaterial oder Werkzeug)..
Es iscWenn tohle, wenn mir öpperm nid e faire Pris zahle fürne Leistig oder e Sach. Das schliesst Löhne mit ih. Versetz di doch id Situation von andere, dassde weisch, was fair wäri :)
Filme, CD's, lieder u so sache abelade oder kopiere ohni derfür z zahle. (Der Artist wird beroubt, stell dir vor du masch e Song u jede ladt ne gratis vo YouTube abe!), Bilder oder Texte vom Internet näh ohni Quellenangabe oder z'frage.

 

Emotionals Level: wenn mir üs Zueneigig stähle, wo öpperem anders z guet würdi cho (wenn Öpper ire Beziehig isch isches der Partner. Aues wo mit Frömdgah, absichtlich flirte etc. z'tüe het isch stählä). Ou wenn mir e Person so fest für üs beaspruche, dass si nimme mit anderne cha si, isch das gstohle.

Mentals Level: wenn mir üs Anerkennig stähle, wo nid (oder nid nur) üs würdi gäute (wenn z.B. öppis womer wüsse vore andere Person isch u mir düe so aus wärs vo üs [gseit oder gschribe], wenn mir nid erwähne, wär üs gholfe het).

 

Zit: ja, o zit chame stähle. Das passiert sogar sehr viu. Wie? Indäm mir ds spät chöme stähle mir dene wo warte jedes mau die Minutene. Indäm mir üs mit öpperem unnötig unterhalte (er chönnti i dere Zit wos brucht gschiders mache), indäm mir de Lüt öppis wei verchoufe [ mir versueche si vo Produkte oder dienstleistige z überzüge u si wei eich gar nid], indäm mir wemer Arbeitszeit hei nid schaffe sondern pouse mache, am Handy si oder öppis privats forsche odr mache (das isch am Arbeitgäber gegenüber gstohle, mir wette o nid serigi Mitarbeiter oder?). Indäm mir üs mit lüt träffe wos eich gar kei Sinn meh macht oder wenn mir immer öpperem schribe wo gar kei Nachrichte meh vo üs wetti übercho. Das brucht für die Persone aus zit u isch dässwäge stähle. Ou wenn mir öppis säuber easy chönnte usefinde (und eifach z fuu si) u ner öpper frage wos weiss. cha das stähle vo sire zit si.

Villech hesch du itz grad gmerkt, dass stähle soo viu cha bedüte. Wennde öppis bi dene Sache oder anderi woni nid ha ugflistet machsch/gmacht hesch, de hilfts, wenn du dir vergisch mir si aui no nid perfekt und um Vergäbig bittisch (im Stille). Und da du das itz gläse hesch, wärde die die Sache immer wie meh uffaue und du chasch se ändere. Denn, denn wirsch gsägnet mit Wohlstand. Nid mit Armut ❤

 

Hüt ischs chli länger worde aus schüsch immer, i freue mi aber, hani mau au das woni ha dörfe vo mim lehrer lehre (so wie übrigens aui mini lnterpretatione) mit Öich teilä. Danke sit dir da derbi! Much love, Nicole 💞

 

PS: wenn du o (fasch) jede Tag e Spruch zum Nachedänke möchtisch übercho, denn freui mi wenn o du gli zu üs körsch! Über 100 Persone si i dem Verteiler inne. 
Link: https://chat.whatsapp.com/DDXcT8QkwSa5m0H4ee6eBF (me cha jederzit inä u wider usä) Klick ufds Bild, de leitets di outomatisch witer

 

PSS: Bitte teil dä Bitrag, wenn du dänksch, dass er o anderne chönnti häufe (oder s'guet wäri wenn mä augemein weniger würdi stählä) ;)

 

 

Share on Facebook
Share on Twitter
Please reload

Please reload

xung macht yung

in den Medien

Please reload

Events

Please reload

Blogbeiträge "Wissen"

Please reload

Die aktuellsten News auf Facebook